منك لله لسعيد الشاعر
ادى اللى كانت زمان بتقول مليش غيرك ولا عمرى ابدا حكون لواحد غيرك
صدقت قلبى وعقلى كان بها مجنون ولا كنت عمرى حفكر ان الملاك دا يخون
خدها شيطانها فى سكته وراحت معاه خانتنى مع اللى كان اقرب يا ناس مايكون
==========
يا اللى كنتى كل حاجه من زمان دلوقتى انتى ولا حاجة دا كان زمان
كان حبى ليكى كبير كان فيه امان خنتينى ليه ونسيتى كلامك زمان
انا بندم
على كل كلمة حب قولتهالك على كل لحظة جميلة فى عمرى عشتهالك
منك لله منك لله
صاحبى اللى كان عندى اغلى من عمرى داس على قلبى ومهمهوش امرى
خسيس دخلته بيتى وصاحبته بالمعروف اتاريه ناظر لبيتى ومردليش معروف
منك لله منك لله
خاينه وكشفها ربنا وشفتها بعينى خانت وباعت عرضها من ورا عينى
انا مش حزين عليها ولا هندم يوم عليها ولا هفكر انتقم ولا حتى اازيها
انا هدعى بس لربنا ينتقم منها ويورى صاحبى اللى شوفته منه او منها
منك لله منك لله
ياخاينه يا اللى انت فاكره انى ممكن ارجعلك
دانتى ياخاينة بتحلمى وعمرى ما هسمعلك
وانت ياصاحبى خلاص انا هفضل بعيد عنك
ما هو انت خاين زيها ومسيرها حتخونك
وتقول يارتنى ياصاحبى ما بعدت يوم عنك
=================
وتحياتى لكم جميعا
سعيد الشاعر

شكرا على الكلمات المؤثرة